துவாதசி பாரணை.....

துவாதசி பாரணையின் மஹிமைகளும் ஆரோக்கியமும்

முதல் நாள் ஏகாதசி அன்று பட்டினி இருந்து காய்ந்த வயிற்றுடன், அதிகாலையில் எழுந்து சுண்டைக்காய்,அகத்திக்கீரை, நெல்லிக்காய் உண்பதே பாரணை எனப்படும். அகத்திக்கீரையில் பொட்டாசியம், இரும்பு சத்துக்கள் அதிகம். அதே போல சுண்டைக்காய் வயிற்றில் உள்ள தீய நுண்ணுயிரிகளை அகற்றும். நெல்லிக்காய் இரும்பு சத்து நிறைந்தது. பட்டினி இருந்தமையால், புளிப்பு காரம் இல்லாமல் தயிறு, மிளகு சேர்த்து உண்ண உடலில் அமிலத்தன்மை சீர் படுகின்றது. அதே போல தயிர் (நெல்லிக்காய் பச்சடி) உண்பதால் உடலுக்கு நன்மை பயக்கும் நுண்ணுயிரிகளை மீண்டும் செலுத்துகின்றோம். இப்படி ஒரு வைட்டமின் சத்துக்கள் கொண்ட அற்புதமான விஷயம் துவாதசி போஜனம். விடியற் காலையில் வெறும் வயிற்றில் இதனை உண்பதால் உடலுக்கு மிக்க ஆரோக்கியம். சர்க்கரை, கொழுப்பு எல்லாம் கூட நன்றாக குறைந்து கிடைக்கும். நாம ஜபத்தால் மனம் சீர் பெரும், துவாதசி போஜனத்தால் உடலும் சீர் பெரும் - இப்படி நம் முன்னோர்கள் தந்த ஒரு அருமையான வாழ்க்கை முறையை எல்லோரும் பின்பற்றி பயனடைய வேண்டும் என்று அந்த கண்ணனை வேண்டி கொள்கின்றேன். ஹரே கிருஷ்ண

Rumi's Poems

ஜலாலுதீன் ரூமி என்பவர் பாரசீக(சூஃபி) கவி. "அந்த சூரியன் என்னுள்ளேயே இருக்கும் பொழுது காலத்துக்கு என்ன வேலை" என்கிறார். ஆத்மாவாகிய சூரியனை உணர்ந்தவன், கால தேச வர்த்தமானங்களுக்கு அப்பலாகி நிஜ பாதத்தில் நிலை பெறுகின்றான் எனபதே அந்த கவிதையின் அந்தாரார்த்தம். வேதத்தின் மஹாவாக்யங்களை பூர்ணமாக உணர்ந்த, அனுபூதியில் பெற்ற புண்ணியர்களுக்கு மதம், சாதி, இதெல்லாம் இல்லவே இல்லை.
உபநிஷத்துக்களின் சத்தியத்தை உணர்ந்த மஹநீயர் அவர். அதுவே நம் உபநிஷதங்கள் மஹிமை - எந்த தேசத்தில், எந்த மதஸ்தர், மொழியினர் ஆன்ம ஞானத்தை உணர்ந்தாலும் அவர்கள் வாக்கு சுருதி சம்மதவாகவே இருக்கும். கோடி யுகங்கள் ஆனாலும் அழியாத சத்தியம் இது. இதுவே நம் வேத உபநிஷதங்கள் சத்தியம்.

ஸ்வேதாஸ்வர உபநிஷதம்..

मायां तु प्रकृतिं विद्यान्मायिनं तु महेश्वरम्।
तस्यावयवभूतैस्तु व्याप्तं सर्वमिदं जगत्।।4.1.10।।

ஸ்வேதாஸ்வர உபநிஷதம் 4 .10
இந்த இயற்கையே மாயை. மாயையின் முக்குணங்கள் சத்வம்,ராஜஸ்ஸு,தமஸ்ஸு எல்லாம். இப்படி இந்த மாயையை , ஆள்பவன் மாயி என்ற ஈஸ்வரன் (இறைவன்). இந்த உலகத்துள் உள்ள எல்லா உயிர்களும் அந்த இறைவனின் அங்கங்கள் ஆகின. இதை விட இறை தத்துவத்தையும் , இயற்கையையயும், எவரராலும் விளக்கவே முடியாது. உபநிஷதங்கள் நமக்கு நம் ரிஷிகளால் அருள பெற்ற பொக்கிஷங்கள். இந்த கிரந்தங்களை கற்று அதன் உட்பொருட்களை உணர்ந்து மகிழ்வதே நாம் பாரதத்தில் பிறந்ததன் புண்ணிய பலன். #Maya

முத்தீயும் அக்னிஹோத்ரமும் ...

வேதத்திலும், இல்வாழ்வார்களுக்கு சொல்லப் பெற்ற சாஸ்திரங்களிலும் ஏழு விதமான ஹவிர் (உணவால்) வேள்விகள் சொல்லப் பட்டுள்ளது.
கீழ் கூறிய ஹவிர் யஞகளுக்கு முத்தீ (த்ரேதாக்னி) வேண்டும். இவர்கள் ஆயுட்காலம் முழுவதும் இப்படி முத்தீயை வழிபாட்டுக்கு கொண்டே இருப்பார்கள்.

முத்தீ  என்பது இவையே:

1. கார்ஹபத்யாக்னி  - சமையலுக்கு எடுத்து செல்ல வேண்டிய தீ, இந்த தீயில் தான் புரோடாக்ஷம் என்னும் பாதத்தை சுட்டு ("bake") செய்து அக்னிக்கு படைப்பார்கள்.
2. தக்ஷிணாக்னி - தெற்குத்தீ - இந்த தீயில் தான் முன்னோர்களுக்கு வேள்வி செய்வார்கள். கணவன் , மனைவியரில் எவர் முதலில் இறந்தாலும் இந்த தீயைக் கொண்டு தான் அவர்களை தகனம் செய்வார்கள். (மனைவி இருந்தால் தான் கணவனுக்கு அக்னிகார்யம் செய்யும் அருகாகத்தை உண்டு. )
3. ஆவஹனீயம் - இது சதுரமான குண்டம், கிழக்கு நோக்கி இருக்கும். இந்த தீயில் தான் தேவர்களுக்கு வேள்வி செய்ய வேண்டும்.

இனி, இந்த முத்தீயில் செய்யப்பட வேண்டிய ௨௧ வேள்விகளில் , உள்ள ஹவிர் வேள்விகள் (ஹவிஸ்ஸு என்னும் உணவால் செய்யும் வேள்விகள்) என்ன என்பதை பற்றி இங்கே காண்போம்:

1. அக்னிஹோத்ராம்  - தினமும் இரு வேளை செய்யும் வேள்வி.
2. தர்ஷ-பூர்ணமாசேஷ்டி - அம்மாவாசை, பௌர்ணமி முடிந்த பிறகு செய்யும் வேள்விகள்.
3. அஃராயணேஷ்ட்டி  - அறுவடை முசிந்து புதிய நெல்லை கொண்டு (மார்கழி/தாய்) மாதத்தில் செய்யும் வேள்வி 
4. பிண்ட-பித்ருயஞம்   - தக்ஷிணினாக்னி   என்னும் தீயில் இறந்தோர்களுக்கு செய்யும் வேள்வி.
5. சாதுர்மாஸ்யனி  - சாதுர்மாஸ்ய   காலத்தில் (மழை காலத்தில்) செய்யும் வேள்வி 
6. நிரூட-பஷுபந்தம்  - ஆட்டு கிடாய் பாலி கொடுத்து தேவர்களுக்கு செய்யும் வேள்வி.
7. ஸுத்ராமணி  - பலி கவர் கிராம தேவதைகளுக்கு சாராயம், சுருட்டு போன்றவை இட்டு படைக்கும் வேள்வி.

நிரூட-பஷுபந்தம் - இந்த வேள்வியில் பலியிடப்படும் ஆட்டினிடத்தில்   , யூபஸ்தம்பம் எனும் கம்பத்தில் கட்டப்பட்ட ஆட்டினிடத்தில் , அந்த எஜமானன் அனுமதி பெற்று பிறகு பலி இடுவான். அப்படி தன்னை தியாகம் செய்யும்   ஆடு, தான் மாட்டும் அன்றி தன் மந்தையில் உள்ள அனைத்து ஆட்டுக்களுக்கும் முக்தி நிலை பெற்று தருகின்றது. சாமானியமாக கசாப்பு வெட்டுவதை போல அன்று இது - அந்த ஆட்டின் வயிற்றுப பகுதியை வேள்வி தீயில் தேவர்களுக்கு பலியிடுவர். பிறகு அந்த தீயில் வெந்த வரையில் (மாமிசத்தில்) ஒரு கடுகளவு உண்பர். (வேள்வியில் அளிக்கப்பெறும் மாமிசத்தை நிராகரித்தல்   மகா பாபம் என்று சொல்கின்றது தர்ம சாஸ்திரம்). ஆனால் இன்றய தினங்களில் ஆட்டின் உருவத்தை மாவால் செய்து பலி கொடுக்கின்றனர்.

வேதங்கள் நமக்கு காட்டி தந்த மார்க்கம் ஒரு பொழுதும் தீமையை போதிக்காது. உலகம் வாழ, தேவர்களை வேண்டி, மழை , சுபிக்ஷம் வேண்டி இப்படி முத்தீயை வணங்கிய ப்ராம்மணர்களுக்கு அரசர்கள் நிறைய பொன்னும் பொருளும் அளித்தார்கள். கலி மாயை - அவர்கள் வாழ்வாதாரம் இன்றி, தவிக்கும் நிலைமை ஏற்பட்டுள்ளது இன்று. வேத வேள்விகள் செழித்தால் நம் நாடும், நிலமும் செழிக்கும்.

தத்வ தர்ஷனங்கள்

சைவம், வைணவம் இரண்டுமே ஒரே பரம்பொருளின் வழிபாட்டிற்கு நாம் வைத்த பெயர்கள். அதன் பெயரால் சண்டை போடுவது முட்டாள்தனம்.

ஆதி சங்கரர்,இராமானுஜர், மத்வர் மூவருமே அவதார புருஷர்கள். இறைவனின் அருளால் வேதங்களின் பொருளை நமக்கு சொன்னவர்கள்.

அத்துவைதம் -  இரண்டற்ற தன்மை - பாலும் நீரும் போல பிரமத்துள் கலப்பது 
(க்ஷீர நீர த்வாத்) இதனையே கைவல்யம் என்கின்றன உபநிஷத்துக்கள்.

விசிஷ்ட அத்துவைதம் - சிறப்பான அத்துவைதம் - லாஃஷா காஷ்ட த்வாத்  - விறகு மீது அரக்கை போல - சச்சிதானந்தம்  - அரக்கு  , ஜீவன் - விறகு


துவைதம் - தில தண்டுல வத்த்    - அரிசியும் எள்ளும் போல - இறைவனிடத்தில்
கலக்கவே முடியாது ஜீவனால். அரிசி - இறைவன், எள்ளு - ஜீவன்.

தர்ஷனங்கள் 3 - அத்துவைதம், விசிஷ்ட அத்துவைதம், துவைதம்.
மதங்கள் 6 - காணாபத்யம், கௌமாரம், சாக்தம்,சௌரம், வைணவம் , சைவம்.

ராமாஞ்சநேயர்களின் உரையாடல் - முக்திக உபநிஷத்
கிருஷ்ணார்ஜுனர்களின் உரையாடல் - பகவத் கீதை

அத்துவைதம் - உலகம் மாயை பிரம்மமே சத்தியம்  மனம் ஆழ்ந்து விட்டால் ஆன்மாவே இருக்கும் -  மனம் மாயை, ஆன்மா  பிரமம்.

விசிஷ்ட அத்துவைதம் - ஜீவன்கள் (சேதனம்) ஒன்று, ஜடபொருள் (அசேதனம்)., இறைவன் ஒன்று(ஈஸ்வர) - ஆக 3 பேதங்கள். உலகம் உண்மை

துவைதம் - இறைவன், ஜீவன், ஜடப்பொருள் - ஒவ்வொருவரும் தனி தான் - ஆக மொத்தம் ஐந்து பேதங்கள்.

108 உபநிஷத்துக்கள் உள்ளன. அவற்றுள் மாண்டூக்ய உபநிஷத்தை படித்தாலே ஆன்ம ஞானம் பெறலாம். - இராமர் (முக்திக்கோபனிஷத்)


மாண்டூக்ய உபநிஷத்தை படித்து ஆன்ம ஞானம் பெறாவிடின், முதல் பாத்து உபநிஷத்துக்களை படித்தால் போதும் -இராமர் (முக்திக்கோபனிஷத்)

முதல் பத்து உபநிஷத்துக்களை படித்து ஞானம் பெறாவிடின்,32 உபநிஷத்துக்களை படிக்க வேண்டும் - இராமர் (முக்திக்கோபனிஷத்)

32 உபநிஷத்துக்களை படித்து ஞானம் பெறாவிடின் அனைத்து 108 உபநிஷத்துக்களையும் படிக்க வேண்டும். இராமர் (முக்திக்கோபனிஷத்)

ஓம்காரத்திற்கு மூன்று பாதங்கள் - அ, ஊ, ம் - அம்மூன்றயும் தாண்டி உள்ளது அமைதி. அதுவே பிரமம் - மாண்டூக்ய உபநிஷத்து

ஓம்காரத்தில் உள்ள அ - விழிப்பு நிலை, ஊ - தூக்க நிலை, ம் - ஆழ்தூக்க நிலை - அம்மூன்று நிலைகளுக்கும் சாட்சியாக இருக்கும்  ஆத்மாவே பிரமம்.

ஓம்காரம் ஆத்மா. ஆத்மா  இரண்டற்றது (அத்துவைதம்), சிவம் , - இதனை உணர்ந்தவன் ஆத்மாவில் ஒன்றென கலப்பான் - மாண்டூக்ய உபநிஷத்

தன்னுள் இருக்கும் அந்த பிரமத்தை, ஆன்மாவை உணர்வதே இந்த மனித பிறப்பான் பயன். சும்மா இருப்பதே சிவம்.