பார்ப்பன சிறுவனாய் சென்றங்கு மாவிலியின் வேள்வியில்
பாரோர் அனைவரும் வியக்க மூன்றடி நிலம் வேண்ட
கேட்டோர்க்கு கேட்பது தரும் கொடைவள்ளல் மாவலியும்
கேட்டது கேட்டபடியே தந்தேன் என்று சொல்ல
வாமன மூர்த்தி அங்கு ஆனார் திரிவிக்கிரமனாய்!
வலக்காலால் வானுலகம் இடைக்காலால் இவ்வுலகம் அளந்து
மூன்றாம் அடி வைக்க இடமில்லை என்று சொல்ல
ஊன்றிக்கொள் என தலையை நீட்டினான் மாவலியும் !
அருளால் மூவுலகாண்ட கருமணிவண்ணன் மாதவன்!
பொருளல்லாத அரக்கர் கோன் மாவலியை பொருளாக்கி ஆட்கொண்டான் !
உபநயனம் சிகை நூலும் திரிகால சந்தியின்
பெருமை சொல்ல வந்த எங்கள் வாமனார்க்கு வந்தனங்கள் ஒரு கோடி !
No comments:
Post a Comment